మంచేరియల్, 2026-07-17
మంచిర్యాల జిల్లా ఉపాధి కల్పన కార్యాలయం ఆధ్వర్యంలో శుక్రవారం ప్రభుత్వ ఐటీఐ కళాశాల ప్రాంగణంలో మినీ జాబ్మేళా నిర్వహించారు. హరేకృష్ణ చారిటీస్, మహీంద్రా ఆటోమోటివ్ కంపెనీలు 102 పోస్టుల భర్తీకి ఇంటర్వ్యూలు నిర్వహించగా, 74 మంది అభ్యర్థులు షార్ట్లిస్ట్ అయ్యారు.
మంచిర్యాల టౌన్: జిల్లా ఉపాధి కల్పన కార్యాలయం ఆధ్వర్యంలో శుక్రవారం ప్రభుత్వ ఐటీఐ కళాశాల ప్రాంగణంలోని అడ్వాన్స్డ్ ట్రైనింగ్ సెంటర్లో మినీ జాబ్మేళా నిర్వహించారు. హరేకృష్ణ చారిటీస్, మహీంద్రా ఆటోమోటివ్ కంపెనీల ప్రతినిధులు హాజరై 102 పోస్టుల భర్తీకి 189 మంది అభ్యర్థుల నుంచి దరఖాస్తులు స్వీకరించి ఇంటర్వ్యూలు నిర్వహించారు.
ఈ సందర్భంగా జిల్లా ఉపాధి కల్పన అధికారి ఏ. రవికృష్ణ మాట్లాడుతూ ప్రైవేట్ రంగంలో నైపుణ్యం ఉన్న యువతకు మంచి అవకాశాలు ఉన్నాయని, వాటిని సద్వినియోగం చేసుకోవాలని సూచించారు. మంచిర్యాల యువత ఈ మినీ జాబ్మేళాను సద్వినియోగం చేసుకోవడం ద్వారా ఉపాధి పొందాలని అన్నారు.
ప్రభుత్వ ఐటీఐ ట్రైనింగ్ ఆఫీసర్ సునీల్ మాట్లాడుతూ జిల్లాలో ఇలాంటి జాబ్మేళాలు తరచుగా నిర్వహిస్తామని, నిరుద్యోగ యువత వాటిని సద్వినియోగం చేసుకోవాలని కోరారు. ఈ జాబ్మేళాలో 102 పోస్టులకు గాను 189 మంది హాజరుకాగా, 74 మంది అభ్యర్థులు ప్రాథమికంగా షార్ట్లిస్ట్ అయ్యారని అధికారులు తెలిపారు.
ఈ కార్యక్రమంలో హరేకృష్ణ చారిటీస్, మహీంద్రా ఆటోమోటివ్ ప్రతినిధులు శివప్రసాద్, గిరిధర్కుమార్, ఉపాధి కల్పన కార్యాలయ సిబ్బంది, ఏటీసీ సిబ్బంది శ్రీనివాస్, లక్ష్మణ్, సుశీల్ పాల్గొన్నారు.
