శాసనసభ్యులు కొక్కిరాల ప్రేమ్ సాగర్ రావు తన జన్మదినాన్ని పురస్కరించుకుని ప్రభుత్వ గర్ల్స్ హై స్కూల్లో విద్యార్థులతో కలిసి మధ్యాహ్న భోజనం చేశారు. ఈ సందర్భంగా విద్యార్థుల మధ్య తన పుట్టినరోజు జరుపుకోవడం ఆనందంగా ఉందని, వారి అభివృద్ధికి అండగా ఉంటానని ఎమ్మెల్యే తెలిపారు.
మున్సిపల్ కార్పొరేషన్ పరిధిలోని ప్రభుత్వ గర్ల్స్ హై స్కూల్లో జరిగిన ఈ కార్యక్రమంలో ఎమ్మెల్యే కొక్కిరాల ప్రేమ్ సాగర్ రావు విద్యార్థులతో ఆత్మీయంగా సంభాషించారు. విద్యార్థుల ఆరోగ్యం, విద్యాభివృద్ధికి ఎల్లప్పుడూ తన వంతు సహకారం అందిస్తానని ఆయన హామీ ఇచ్చారు. విద్యార్థుల మధ్య తన జన్మదినాన్ని జరుపుకోవడం అదృష్టంగా భావిస్తున్నానని, ఈరోజు తన జీవితంలో మరువలేని రోజని అన్నారు.
పాఠశాలలో మౌలిక వసతుల కల్పన పనులు అతి త్వరగా పూర్తి చేస్తామని ఎమ్మెల్యే హామీ ఇచ్చారు. అనంతరం ఆయన పాఠశాల ఆవరణలో మొక్కలు నాటారు. ఈ కార్యక్రమం విద్యార్థులకు మరింత ప్రత్యేక అనుభూతినిచ్చింది.
ఈ జన్మదిన వేడుకల్లో జిల్లా అదనపు కలెక్టర్ చంద్రయ్య, భాస్కర్, మున్సిపల్ కార్పొరేషన్ కమిషనర్ అన్వేష్, ఉపాధ్యాయులు, మున్సిపల్ కార్పొరేషన్ మేయర్ ధర్ని మధుకర్, డిప్యూటీ మేయర్ సల్ల రమ్య-మహేష్, పట్టణ మహిళా కాంగ్రెస్ అధ్యక్షురాలు గజ్జల హేమలత, కార్పొరేటర్లు, నాయకులు, మహిళా నాయకురాలు, యువజన కాంగ్రెస్ నాయకులు, కార్యకర్తలు తదితరులు పాల్గొన్నారు.
