జిల్లాలో టీఎన్జీవో సభ్యత్వ నమోదు: 120 మంది ఉద్యోగులు చేరిక

టీఎన్జీవో జిల్లా అధ్యక్షులు శ్రీ గడియారం శ్రీహరి ఆధ్వర్యంలో ఈ సభ్యత్వ నమోదు కార్యక్రమం జరిగింది. బెల్లంపల్లి, తాండూర్, కాశిపేట మండలాల్లోని వివిధ విభాగాలకు చెందిన ఉద్యోగులు ఇందులో పాల్గొన్నారు. ఈ సందర్భంగా జిల్లా అధ్యక్షులు శ్రీ గడియారం శ్రీహరి మాట్లాడుతూ, ఉద్యోగుల సమస్యల పరిష్కారానికి టీఎన్జీవో సంఘం నిరంతరం కృషి చేస్తుందని తెలిపారు. జిల్లాను సభ్యత్వ నమోదులో రాష్ట్రంలోనే మొదటి స్థానంలో నిలిపి, ఆదర్శంగా తీర్చిదిద్దాలని పిలుపునిచ్చారు. ఈ కార్యక్రమంలో టీఎన్జీవో జిల్లా కార్యదర్శి బొడ్డు శ్రావణ్ కుమార్, ఉపాధ్యక్షులు శ్రీనివాస్, సత్యనారాయణ, ఆర్గనైజింగ్ సెక్రటరీ మోసిన్, బెల్లంపల్లి యూనిట్ కార్యదర్శి క్రాంతి కుమార్ పాల్గొన్నారు. వీరితో పాటు రెవెన్యూ, పంచాయతీ రాజ్, మున్సిపల్, బీసీ, ఎస్సీ వెల్ఫేర్ శాఖల ఉద్యోగులు కూడా పాల్గొన్నారు.