మంచేరియల్, July 2
తెలంగాణ రక్షణ సేన పార్టీ అధ్యక్షురాలు కల్వకుంట్ల కవితక్కను హెచ్ఎంఎస్ నాయకులు శుక్రవారం పరామర్శించారు. జూలై 2న ఉద్యమకారుల పోరాటంలో గాయపడిన కవితక్కను కలిసి యోగక్షేమాలు తెలుసుకున్నారు. సింగరేణి యాజమాన్యం మెడికల్ బోర్డును పునరుద్ధరించాలని, లేనిచో నిరవధిక దీక్ష చేపడతామని హెచ్ఎంఎస్ నేతలు హెచ్చరించారు.
తెలంగాణ రక్షణ సేన పార్టీ అధ్యక్షురాలు శ్రీమతి కల్వకుంట్ల కవితక్క గారిని హెచ్ఎంఎస్ నేతలు రియాజ్ అహ్మద్, తిప్పారపు సారయ్య, వంటకాల అనిల్ రెడ్డి శుక్రవారం సాయంత్రం పరామర్శించి యోగక్షేమాలు తెలుసుకున్నారు. జూలై 2వ తేదీన ఉద్యమకారులకు ప్రభుత్వం ఇచ్చిన హామీలు నెరవేర్చాలని డిమాండ్ చేస్తూ నిర్వహిస్తున్న పోరాటంలో పోలీసుల హింసలో కవితక్క గాయపడిన విషయం తెలిసిందే.
ఈ సందర్భంగా హెచ్ఎంఎస్ నాయకులు మాట్లాడుతూ, కవితక్క గాయపడినప్పటికీ ముందుగా నిర్ణయించుకున్న ప్రకారం కొత్తగూడెం రీజియన్ రెండవ దఫా బాయిబాట కార్యక్రమం 9, 10, 11 తేదీలలో యధావిధిగా కొనసాగుతుందని తెలిపారు. సింగరేణి యాజమాన్యం మెడికల్ బోర్డును పునరుద్ధరించి, బోర్డుకు దరఖాస్తు చేసుకున్న అందరినీ మెడికల్ అన్ ఫిట్ చేయాలని మొదటి విడత శ్రీరాంపూర్ బాయి బాటలో కోరడం జరిగిందని పేర్కొన్నారు.
జూలై 20వ తేదీలోపు సింగరేణి యాజమాన్యం అధికారిక ప్రకటన చేయకుంటే నిరవధిక దీక్ష చేస్తానని రియాజ్ అహ్మద్ హెచ్చరించారు. కాబట్టి, ఇప్పటికైనా సింగరేణి యాజమాన్యం స్పందించి మెడికల్ బోర్డును నిర్వహిస్తామని అధికారిక ప్రకటన చేయకపోతే నిరవధిక దీక్ష తప్పదని హెచ్చరించారు. ఈ నేపథ్యంలో, యావత్ సింగరేణి కార్మిక వర్గం కవితక్క చేపట్టబోయే నిరవధిక దీక్షకు మద్దతు తెలపాలని, మిత్ర కార్మిక సంఘాలన్నీ సంఘీభావం ప్రకటించాలని కోరారు.
ఈ ప్రకటనను హెచ్ఎంఎస్ జనరల్ సెక్రెటరీ రియాజ్ అహ్మద్, ప్రెసిడెంట్ తిప్పారపు సారయ్య, శ్రీరాంపూర్ ఏరియా వైస్ ప్రెసిడెంట్ అనిల్ రెడ్డి విడుదల చేశారు.
