పెద్దపల్లి, 2026-08-17
కాల్వ శ్రీరాంపూర్ మండలంలోని జాఫర్ ఖాన్ పేట గ్రామంలో గురువారం నాడు రూ. 5.43 కోట్ల వ్యయంతో నూతనంగా నిర్మించిన మద్దెల వాగు హై లెవెల్ బ్రిడ్జిని, గోదావరిఖని జాఫర్ ఖాన్ పేట పెద్దపల్లి ఆర్టీసీ బస్సు సర్వీసును ప్రభుత్వ విప్, పెద్దపల్లి శాసనసభ్యులు శ్రీ. చింతకుంట విజయరమణ రావు గారు జెండా ఊపి ప్రారంభించారు. అనంతరం గ్రామంలో 15 లక్షల రూపాయల నిధులతో నూతనంగా నిర్మించిన పలు సీసీ రోడ్లను స్థానిక అధికారులు, నాయకులతో కలిసి ఆయన ప్రారంభించారు.
కాల్వ శ్రీరాంపూర్ మండలంలోని జాఫర్ ఖాన్ పేట గ్రామంలో గురువారం నాడు రూ. 5.43 కోట్ల వ్యయంతో నూతనంగా నిర్మించిన మద్దెల వాగు హై లెవెల్ బ్రిడ్జిని, గోదావరిఖని జాఫర్ ఖాన్ పేట పెద్దపల్లి ఆర్టీసీ బస్సు సర్వీసును ప్రభుత్వ విప్, పెద్దపల్లి శాసనసభ్యులు శ్రీ. చింతకుంట విజయరమణ రావు గారు జెండా ఊపి ప్రారంభించారు. అనంతరం గ్రామంలో 15 లక్షల రూపాయల నిధులతో నూతనంగా నిర్మించిన పలు సీసీ రోడ్లను స్థానిక అధికారులు, నాయకులతో కలిసి ఆయన ప్రారంభించారు.
గత కాంగ్రెస్ పాలనతో పోలిక
గతంలో కాంగ్రెస్ పార్టీ గడప గడపకు, ఇంటింటికి విజ్జన్న అనే నినాదంతో ప్రచారం నిర్వహించినప్పుడు రోడ్లు లేక, మౌళిక సదుపాయాల కొరతతో, పాఠశాల భవనాలు శిథిలావస్థలో ఉండటంతో ప్రజలు తీవ్ర ఇబ్బందులు పడ్డారని ఎమ్మెల్యే విజయరమణ రావు గుర్తుచేశారు. ప్రస్తుతం కాంగ్రెస్ ప్రభుత్వం అధికారంలోకి వచ్చిన తర్వాత లక్షల రూపాయల నిధులతో పాఠశాలల పునర్నిర్మాణం, కాంపౌండ్ వాల్ నిర్మాణం చేపట్టామని, గ్రామంలోని వీధులన్నింటికీ సిసి రోడ్లు పూర్తి చేశామని తెలిపారు. రూ. 5.43 కోట్లతో మద్దెల వాగు బ్రిడ్జి నిర్మాణం పూర్తి చేయడంతో పాటు, అప్రోచ్ రోడ్లకు అదనంగా మరో కోటి రూపాయలు ఖర్చు చేసి రవాణా కష్టాలను తీర్చామని తెలిపారు.
ప్రజా రవాణా లక్ష్యాలు
గ్రామీణ ప్రజల సౌకర్యార్థం కొత్త ఆర్టీసీ బస్సు సేవలను ప్రారంభించడం, గ్రామీణ ప్రాంత ప్రజలకు సురక్షితమైన, సౌకర్యవంతమైన ప్రజా రవాణా అందించడమే ప్రభుత్వ లక్ష్యమని ఈ సందర్భంగా ఆయన తెలిపారు.
భారీ అభివృద్ధి పనులకు నిధుల మంజూరు
ముత్తారం, మంథని వెళ్లే ప్రయాణికుల చిరకాల వాంఛను తీర్చేలా మంగపేట కూనారం టర్నింగ్ నుండి ముత్తారం వరకు రూ. 32 కోట్లతో డబుల్ రోడ్డు మంజూరు చేయించామని ఎమ్మెల్యే విజయరమణ రావు వెల్లడించారు. అలాగే, పెద్దపల్లి గర్రెపల్లి మేజర్ రోడ్డుకు రూ. 100 కోట్లు, సుల్తానాబాద్ పెద్దపూర్ రోడ్డుకు రూ. 47 కోట్లు, కూనారం పెద్దపల్లి రోడ్డుకు రూ. 14 కోట్లు, జాఫర్ ఖాన్ పేట్ రింగ్ రోడ్డుకు రూ. 7 కోట్లు, శ్రీరాంపూర్ హెడ్ క్వార్టర్ సెంట్రల్ లైటింగ్కు రూ. 5.5 కోట్లు నిధులను మంజూరు చేయించినట్లు తెలిపారు.
మంత్రుల పర్యటన, శంకుస్థాపనలు
ఈ అభివృద్ధి పనులన్నింటికీ ఆగస్టు 17న సుల్తానాబాద్ పర్యటనలో భాగంగా రాష్ట్ర రోడ్లు, భవనాల శాఖ మంత్రి కోమటిరెడ్డి వెంకట రెడ్డి చేతుల మీదుగా భారీ శంకుస్థాపనలు జరగనున్నాయని ఎమ్మెల్యే తెలిపారు. ఈ కార్యక్రమాలకు మంత్రులతో పాటు పలువురు నాయకులు, అధికారులు హాజరుకానున్నారని సమాచారం.
