Mancherial/Jaipur (ప్రజావార్త) జూలై 15
మంచిర్యాల జిల్లా, తాండూర్ మండలం, నీలాయపల్లి గ్రామానికి చెందిన CPI గ్రామ కార్యదర్శి ఎడ్ల గోపాల్ గారి కోడలు, ఎడ్ల దేవి అనారోగ్యంతో మరణించడంతో CPI తాండూర్ మండల నాయకులు వారి కుటుంబాన్ని పరామర్శించారు. వారికి ₹3,000 ఆర్థిక సహాయం అందించారు.
మంచిర్యాల జిల్లా, తాండూర్ మండలం, నీలాయపల్లి గ్రామానికి చెందిన CPI గ్రామ కార్యదర్శి ఎడ్ల గోపాల్ గారి కోడలు, ఎడ్ల దేవి గారు కొంతకాలంగా అనారోగ్యంతో బాధపడుతూ ఇటీవల అకాల మరణం చెందారు.
ఈ విషాద సంఘటన పట్ల తీవ్ర దిగ్భ్రాంతి వ్యక్తం చేసిన CPI తాండూర్ మండల నాయకులు, నీలాయపల్లిలోని వారి స్వగృహానికి వెళ్లి కుటుంబ సభ్యులను పరామర్శించారు. ఎడ్ల దేవి గారి చిత్రపటానికి పూలమాల వేసి నివాళులర్పించారు.
ఈ సందర్భంగా కుటుంబ సభ్యులకు ధైర్యం చెప్పి, కష్ట సమయంలో పార్టీ తరపున అన్ని విధాలుగా సహకారం అందిస్తామని భరోసా ఇచ్చారు. అలాగే ఎడ్ల దేవి గారి ఆత్మకు శాంతి చేకూరాలని ప్రార్థించారు.
CPI తాండూర్ మండల కార్యదర్శి కొండు బానేష్, కుటుంబానికి ₹3,000 ఆర్థిక సహాయం అందించి మనోధైర్యం కల్పించారు.
ఈ కార్యక్రమంలో CPI తాండూర్ మండల సహాయ కార్యదర్శి నరాల ప్రహ్లాద్, CPI చంద్రపల్లి గ్రామ కార్యదర్శి కొండ సాయికుమార్, CPI నీలాయపల్లి సహాయ కార్యదర్శి బొంతల భూమయ్య పాల్గొన్నారు.
