ఇందిరమ్మ ఇంటి నిర్మాణ లబ్ధిదారుల ఎంపిక పారదర్శకంగా జరగాలని, అర్హులైన ప్రతి ఒక్కరికీ ఇళ్లు అందేలా చూడాలని గౌరవ ప్రభుత్వ విప్, పెద్దపల్లి శాసనసభ్యులు శ్రీ చింతకుంట విజయరమణ రావు సూచించారు. మండలంలోని రూపునారాయణ పేట గ్రామంలోని తన నివాసంలో ఆయన ఈ మేరకు సమీక్షా సమావేశం నిర్వహించారు.
మండలంలోని పలు గ్రామాల ఇందిరమ్మ కమిటీ సభ్యులు, నాయకులతో కలిసి ఆయన ఈ సమీక్ష నిర్వహించారు. ఎంపిక ప్రక్రియలో ఎలాంటి అవినీతికి తావులేకుండా జాగ్రత్తలు తీసుకోవాలని, క్షేత్రస్థాయిలో పరిశీలించి అర్హుల జాబితాను సిద్ధం చేయాలని కమిటీ సభ్యులకు ఆయన ఆదేశించారు. ఈ సమావేశంలో పలు గ్రామాల సర్పంచులు, ఉపసర్పంచులు, ఇందిరమ్మ కమిటీ సభ్యులు, ప్రజాప్రతినిధులు, కాంగ్రెస్ నాయకులు, కార్యకర్తలు పాల్గొన్నారు.
ఇందిరమ్మ ఇళ్ల నిర్మాణానికి సంబంధించి లబ్ధిదారుల ఎంపిక ప్రక్రియపై ఈ సందర్భంగా సమగ్రంగా చర్చించారు. ప్రభుత్వం అందిస్తున్న ఈ పథకం ద్వారా పేదల గృహ నిర్మాణ కల నెరవేరాలని, అందుకు అనుగుణంగా ఎంపిక ప్రక్రియ పారదర్శకంగా, నిష్పక్షపాతంగా జరగాలని ఆయన స్పష్టం చేశారు. ఎంపికలో ఎలాంటి రాజకీయ జోక్యం ఉండకూడదని, అర్హత ప్రమాణాల ఆధారంగానే లబ్ధిదారులను ఎంపిక చేయాలని సూచించారు.
