క్యాతనపల్లి మున్సిపాలిటీ 17వ వార్డులో గురువారం లయన్స్ క్లబ్ ఆఫ్ రామకృష్ణాపూర్ ఆధ్వర్యంలో ఉచిత కంటి శిబిరం నిర్వహించారు. ఈ కార్యక్రమానికి ముఖ్య అతిథిగా చైర్ పర్సన్ గోడిసెల సంధ్యారాణి రాజారమేష్ గారు హాజరయ్యారు. లయన్స్ కంటి ఆసుపత్రి బెల్లంపల్లి వారి సహకారంతో ఏర్పాటు చేసిన ఈ శిబిరానికి మంచి స్పందన లభించింది.
కంటి పరీక్షలు చేసుకున్నవారిలో సమస్యలు ఉన్నవారికి, వారి లోపాల దృష్ట్యా అనుబంధ సంస్థల ద్వారా కంటి ఆపరేషన్లు చేయడం జరుగుతుందని సంస్థ యాజమాన్యం తెలియజేసింది. ఈ సందర్భంగా చైర్ పర్సన్ గోడిసెల సంధ్యారాణి రాజారమేష్ మాట్లాడుతూ, లయన్స్ క్లబ్ వారి సేవలు గొప్పవని కొనియాడారు. వారి సేవలు ఎల్లప్పుడూ ప్రజలకు అందుబాటులో ఉండాలని కోరారు.
సేవా కార్యక్రమాలపై ప్రశంసలు
నియోజకవర్గ నాయకులు డాక్టర్ రాజారమేష్ మాట్లాడుతూ, లయన్స్ క్లబ్ సేవలు అభినందనీయమని, వారి సేవలు విస్తృతంగా కొనసాగాలని తెలిపారు. పరీక్షలు చేయించుకున్నవారికి లోపాలు ఉంటే, లయన్స్ క్లబ్ వారు వారి అనుబంధ సంస్థలతో ఉచిత కంటి వైద్యం అందించడం హర్షనీయమని పేర్కొన్నారు.
లయన్స్ క్లబ్ సభ్యులకు అందరికీ ధన్యవాదాలు తెలియజేస్తూ, క్యాతనపల్లి మున్సిపాలిటీలో ప్రతి 15 రోజులకు ఒకసారి ఆయా వార్డులలో ఈ శిబిరం ఏర్పాటు చేయబడుతుందని, ఈ అవకాశాన్ని అందరూ సద్వినియోగం చేసుకోవాలని కోరారు. ఈ సందర్భంగా లయన్స్ క్లబ్ సభ్యులు చైర్ పర్సన్ దంపతులను శాలువాతో సత్కరించారు.
పాల్గొన్న ప్రముఖులు
ఈ కార్యక్రమంలో ప్రెసిడెంట్ నులుగొండ సత్యం, సెక్రటరీ ఆశన వేణి సత్యనారాయణ, ట్రెజరర్ పిల్లి సతీష్, ప్రోగ్రాం చైర్మన్ సుదర్శన్ గౌడ్, లక్ష్మీకాంత్, మంద వేణుగోపాల్, నక్క శ్రీనివాస్, దేవేందర్ రెడ్డి, వేముల వెంకటేష్, గాజుల రాజేష్, కన్నా మంద వేణుగోపాల్, గోక శ్రీనివాస్, ఆడెపు తిరుపతి తదితరులు పాల్గొన్నారు.
