మంచేరియల్, 2026-08-13
రామగుండం పోలీస్ కమిషనర్ అంబర్ కిషోర్ ఝా ఆదేశాల మేరకు, మంచిర్యాల జోన్ పరిధిలోని నీల్వాయి పోలీస్ స్టేషన్ పరిధిలో వేమనపల్లి మండలం కల్లెంపల్లి గ్రామ శివారులో కోడి పందేల పేరుతో బెట్టింగ్ నిర్వహిస్తున్నారనే సమాచారంతో టాస్క్ఫోర్స్ పోలీసులు బుధవారం అర్ధరాత్రి దాడి నిర్వహించారు. ఈ దాడిలో 16 మందిని అదుపులోకి తీసుకున్నారు.
రామగుండం పోలీస్ కమిషనర్ అంబర్ కిషోర్ ఝా ఆదేశాల మేరకు, మంచిర్యాల జోన్ పరిధిలోని నీల్వాయి పోలీస్ స్టేషన్ పరిధిలో వేమనపల్లి మండలం కల్లెంపల్లి గ్రామ శివారులో కోడి పందేల పేరుతో బెట్టింగ్ నిర్వహిస్తున్నారనే విశ్వసనీయ సమాచారం మేరకు టాస్క్ఫోర్స్ ఏసీపీ శ్రీనివాస్ నేతృత్వంలో ఎస్సై రమేష్, నీల్వాయి ఎస్సై నాగరాజు సిబ్బందితో కలిసి బుధవారం అర్ధరాత్రి దాడి నిర్వహించారు.
16 మంది అరెస్ట్, వస్తువుల స్వాధీనం
ఈ దాడిలో కోడి పందేలు నిర్వహిస్తున్న 16 మందిని అదుపులోకి తీసుకున్నారు. వారి వద్ద నుంచి 4 కోళ్లు, 45 కత్తులు, 18 ద్విచక్ర వాహనాలు, 12 మొబైల్ ఫోన్లు, రూ.24,040 నగదును స్వాధీనం చేసుకున్నారు. అదుపులోకి తీసుకున్న 16 మందితో పాటు స్వాధీనం చేసుకున్న నగదు, వస్తువులు, ద్విచక్ర వాహనాలను తదుపరి చట్టపరమైన చర్యల నిమిత్తం నీల్వాయి పోలీస్ స్టేషన్కు తరలించారు.
పట్టుబడిన వారి వివరాలు
అరెస్ట్ అయిన వారిలో కుడిమెత సాయి (ఒడ్డుగూడెం), జన్నె కమలాకర్ (గిరవెల్లి), బండ్రకంటి కోటేష్ (ఇంద్రవెల్లి), తేలిగె సాయి (వేమనపల్లి), చౌదరి తిరుపతి (జాదులపేట), ఆత్రం సందీప్ (కొత్తకాలనీ), మొగిలి మల్లేష్ (కొత్తకాలనీ), మంచాల హనుమంతు (వేమనపల్లి), ఎనుముల మధుకర్ (వేమనపల్లి), మానేపల్లి రాజన్న (జాదులపేట), మానేపల్లి విలాస్ (జాదులపేట), కీర్తి లక్ష్మణ్ (వేమనపల్లి), కార్పేట తిరుపతి (రావులపల్లి), దండేర మహేష్ (వేమనపల్లి), సతిపతి రాజశేఖర్ (వేమనపల్లి), దోమల మల్లేష్ (వేమనపల్లి) ఉన్నారు.
చట్టవ్యతిరేక కార్యకలాపాలపై కఠిన చర్యలు: సీపీ
ప్రభుత్వం నిషేధించిన, చట్టవిరుద్ధమైన కార్యకలాపాలకు పాల్పడే వారిపై పోలీసులు కఠినంగా వ్యవహరిస్తారని రామగుండం పోలీస్ కమిషనర్ అంబర్ కిషోర్ ఝా హెచ్చరించారు. కోడి పందేలు, జూదం, బెట్టింగ్ తదితర చట్టవిరుద్ధ కార్యకలాపాలకు ఎవరూ పాల్పడవద్దని సూచించారు. ఇలాంటి కార్యకలాపాలకు స్థావరాలు ఏర్పాటు చేయడం, నిర్వహించడం, వాటికి సహకరించడం వంటి చర్యలకు పాల్పడితే చట్టప్రకారం కఠిన చర్యలు తప్పవని హెచ్చరించారు.
ప్రజలకు సూచన
ప్రజలు కూడా చట్టవిరుద్ధ కార్యకలాపాలకు సంబంధించిన సమాచారం తెలిసిన వెంటనే పోలీసుల దృష్టికి తీసుకురావాలని సూచించారు. సమాచారం అందించే వారి వివరాలను గోప్యంగా ఉంచుతామని సీపీ తెలిపారు.
