శ్రీరామచంద్రుడిపై అనుచిత వ్యాఖ్యలు చేశారనే ఆరోపణలపై సీనియర్ నటుడు ప్రకాష్ రాజ్ దిష్టిబొమ్మను హిందూ ఉత్సవ సమితి ఆధ్వర్యంలో మంచిర్యాలలో దహనం చేశారు. ప్రకాష్ రాజ్ను అరెస్ట్ చేసి, సినీ పరిశ్రమ నుంచి బహిష్కరించాలని నిరసనకారులు డిమాండ్ చేశారు.
హిందూ దేవుళ్లపై, హిందువులపై ఇకపై ఎవరైనా అనుచిత వ్యాఖ్యలు చేస్తే, యావత్ హిందూ సమాజాన్ని ఏకం చేసి ప్రతిఘటిస్తామని హెచ్చరించారు. ఈ నిరసన కార్యక్రమంలో పార్టీలకు అతీతంగా పలు హిందూ సంఘాల నాయకులు పాల్గొన్నారు.
ఈ సందర్భంగా కర్ణకంటి రవీందర్ మాట్లాడుతూ, ప్రకాష్ రాజ్ వ్యాఖ్యలను తీవ్రంగా ఖండించారు. ఆయనను తక్షణమే అరెస్ట్ చేయాలని, సినీ పరిశ్రమ నుంచి బహిష్కరించాలని కోరారు. హిందూ సంఘాల నాయకులు ఈ కార్యక్రమంలో తమ మద్దతు తెలిపారు.
ముఖరాం చౌరస్తాలో జరిగిన ఈ దిష్టిబొమ్మ దహన కార్యక్రమంలో ముస్త్యాల కృష్ణ, జూగేల్ వ్యాస్, ఇరుకుల్లా శ్రీనివాస్, రామగిరి శ్రీనివాస్, తోట తిరుపతి, సుదీర్, ఆకుల సంతోష్, అమిత్ కృష్ణ, మణికంఠ, హరి ప్రసాద్, రాకేష్ రెన్వా, అమిరి శెట్టి రాజు, రెడ్డిమల్ల అశోక్, మల్క ప్రతాప్, తోట కార్తీక్, సాయి, శ్రీపతి సదయ్య, జిల్లా సంజీవ్, సాగర్ తదితరులు పాల్గొన్నారు. సంఘటనకు సంబంధించిన వివరాలు సేకరించబడ్డాయి.
