ఖరీఫ్ సీజన్ ప్రారంభమై నెల రోజులు గడుస్తున్నా నాణ్యమైన విత్తనాలు, ఎరువుల సరఫరాలో ప్రభుత్వాలు విఫలమయ్యాయని అఖిల భారత రైతు కూలీ సంఘం (AIKMS) ఆరోపించింది. ఈ నేపథ్యంలో, సంఘం ఆధ్వర్యంలో రామగుండంలో ధర్నా నిర్వహించి, తహసీల్దార్కు వినతి పత్రం అందజేశారు.
AIKMS జిల్లా కార్యదర్శి కొల్లూరి మల్లేశం మాట్లాడుతూ, కేంద్ర ప్రభుత్వం ఎన్నికల ముందు ఇచ్చిన హామీలు నెరవేర్చడంలో విఫలమైందని, మూడు నల్ల చట్టాల వల్ల 750 మంది రైతులు మరణించారని ఆరోపించారు. యుద్ధం పేరుతో నిత్యావసర వస్తువుల ధరలు పెంచడం వల్ల రైతు కూలీలు తీవ్ర ఇబ్బందులు ఎదుర్కొంటున్నారని తెలిపారు.
పెంచిన ధరలను వెంటనే తగ్గించాలని, రైతులకు నాణ్యమైన ఎరువులు, విత్తనాలను సబ్సిడీపై అందించాలని మల్లేశం డిమాండ్ చేశారు. లేనిపక్షంలో ఆందోళనలను ఉద్ధృతం చేస్తామని హెచ్చరించారు.
ఈ కార్యక్రమంలో సంఘం రాష్ట్ర నాయకులు మేరుగు చంద్రయ్య, జిల్లా అధ్యక్షుడు గుండేటి మల్లేశం, పలువురు నాయకులు పాల్గొన్నారు. రైతుల సమస్యలపై ప్రభుత్వం తక్షణమే స్పందించాలని వారు కోరారు.
