విద్యుత్ సమస్యలు ఇక ఆలస్యం ఉండదు.. కొత్త నిబంధనలు.. ఫ్యూజ్ పోతే 4 గంటల్లో పరిష్కారం

తెలంగాణలో విద్యుత్ వినియోగదారులకు ఊరటనిచ్చే సమాచారం వెలుగులోకి వచ్చింది. విద్యుత్ సరఫరాలో అంతరాయాలు, ట్రాన్స్ఫార్మర్ సమస్యలు, మీటర్ మరమ్మతులు, బిల్లింగ్ ఫిర్యాదుల పరిష్కారానికి నిర్దిష్ట గడువులు అమల్లో ఉన్నాయని దక్షిణ తెలంగాణ విద్యుత్ పంపిణీ సంస్థ () వెల్లడించింది.

వినియోగదారులు తమ సమస్యలను పరిష్కరించుకోవడానికి 1912 టోల్ ఫ్రీ నంబర్, అధికారిక వెబ్సైట్, ఆన్లైన్ పోర్టల్, విద్యుత్ వినియోగదారుల సేవా కేంద్రాల ద్వారా ఫిర్యాదు చేయవచ్చు.

ఫిర్యాదుల పరిష్కారానికి నిర్దేశించిన గడువులు

పట్టణ ప్రాంతాల్లో ఫ్యూజ్ సమస్య 4 గంటల్లో, గ్రామీణ ప్రాంతాల్లో 8 గంటల్లో పరిష్కరించాలి. విద్యుత్ లైన్ బ్రేక్డౌన్ అయితే పట్టణాల్లో 6 గంటల్లో, గ్రామాల్లో 24 గంటల్లో సరిచేయాలి. ట్రాన్స్ఫార్మర్ వైఫల్యం చెందితే పట్టణాల్లో 24 గంటల్లో, గ్రామాల్లో 48 గంటల్లో పునరుద్ధరించాలి.

బిల్లింగ్కు సంబంధించిన అదనపు సమాచారం అవసరం లేని ఫిర్యాదులను 24 పని గంటల్లో పరిష్కరించాలి. విద్యుత్ సంస్థ కారణాలతో మీటర్ కాలిపోతే ఏడు రోజుల్లో మార్చాలి. కొత్త కనెక్షన్లకు అవసరమైన నెట్వర్క్ అందుబాటులో ఉంటే చెల్లింపుల అనంతరం 30 రోజుల్లో కనెక్షన్ ఇవ్వాలి.

విద్యుత్ సరఫరా నిలిపివేసే ముందస్తు షెడ్యూల్ అంతరాయాల గురించి కనీసం 24 గంటల ముందే వినియోగదారులకు సమాచారం ఇవ్వాలి. ఒకే అంతరాయం 12 గంటలకు మించి కొనసాగకూడదని సంస్థ స్పష్టం చేసింది.

పరిష్కారం లభించకపోతే ఏమి చేయాలి

మొదట లో ఫిర్యాదు నమోదు చేయాలి. పరిష్కారం లభించకపోతే వినియోగదారుల ఫిర్యాదుల పరిష్కార వేదిక (), ఆ తర్వాత నిబంధనల ప్రకారం విద్యుత్ అంబుడ్స్మన్ను ఆశ్రయించవచ్చు. నిర్ణీత సేవా ప్రమాణాలు పాటించకపోతే అర్హత, నిబంధనలకు లోబడి పరిహారం కోరే అవకాశం కూడా ఉంది.

ఫిర్యాదు నమోదు చేసినప్పుడు వచ్చే అంగీకార నంబర్ను తప్పనిసరిగా భద్రపరుచుకోవాలని విద్యుత్ సంస్థ సూచించింది.

దక్షిణ తెలంగాణ విద్యుత్ పంపిణీ సంస్థ () విద్యుత్ సమస్యల పరిష్కారానికి కీలక నిబంధనలను అమల్లోకి తెచ్చింది. పట్టణ ప్రాంతాల్లో ఫ్యూజ్ సమస్య 4 గంటల్లో, గ్రామీణ ప్రాంతాల్లో 8 గంటల్లో పరిష్కరించాలి. విద్యుత్ లైన్ బ్రేక్డౌన్, ట్రాన్స్ఫార్మర్ వైఫల్యం వంటి సమస్యలకు కూడా నిర్దిష్ట గడువులు నిర్ణయించారు.