క్యాతనపల్లి మున్సిపాలిటీ పరిధిలోని రాజీవ్ చౌక్ ప్రాంతంలో నగర అభివృద్ధి నిధులతో చేపడుతున్న డ్రైనేజ్ పనులను మున్సిపల్ చైర్పర్సన్ డాక్టర్ గోడిసెల సంధ్యారాణి పర్యవేక్షించారు. పనులు వేగవంతంగా, నాణ్యతతో పూర్తి చేయాలని అధికారులను ఆదేశించారు.
సంబంధిత అధికారులు, కాంట్రాక్టర్తో మాట్లాడుతూ, ప్రజలకు ఎటువంటి ఇబ్బందులు కలగకుండా పనులను వేగవంతంగా, నాణ్యతతో పూర్తి చేయాలని చైర్పర్సన్ సూచించారు.
డ్రైనేజ్ నిర్మాణ పనుల వల్ల స్థానికులకు అసౌకర్యం కలగకుండా అవసరమైన చర్యలు తీసుకోవాలని, పనులను నిర్దేశిత గడువులో పూర్తి చేసి ప్రజలకు మెరుగైన మౌలిక సదుపాయాలు అందుబాటులోకి తీసుకురావాలని ఆమె ఆదేశించారు.
ప్రజా సమస్యల పరిష్కారమే తమ ప్రధాన లక్ష్యమని ఈ సందర్భంగా ఆమె తెలిపారు.
