రాష్ట్ర ఐటీ, పరిశ్రమల శాఖ మంత్రి దుద్దిల్ల శ్రీధర్ బాబు జయంతిని పురస్కరించుకొని మంథని పట్టణంలో కాంగ్రెస్ పార్టీ ఆధ్వర్యంలో ఘనంగా జన్మదిన వేడుకలు నిర్వహించారు.
అంబేద్కర్ చౌరస్తాలో జరిగిన ఈ వేడుకల్లో, కాంగ్రెస్ శ్రేణులు డాక్టర్ బీఆర్ అంబేద్కర్ విగ్రహానికి పూలమాలలు వేసి నివాళులర్పించారు. అనంతరం మంత్రి శ్రీధర్ బాబు చిత్రపటానికి పాలాభిషేకం చేసి, భారీ కేక్ కట్ చేసి సంబరాలు జరుపుకున్నారు.
ఈ సందర్భంగా కాంగ్రెస్ నాయకులు మాట్లాడుతూ, రాష్ట్ర అభివృద్ధికి, మంథని నియోజకవర్గ ప్రగతికి మంత్రి శ్రీధర్ బాబు చేస్తున్న కృషిని కొనియాడారు. ఐటీ రంగంలో పెట్టుబడులు తీసుకురావడంలో, యువతకు ఉద్యోగ అవకాశాలు కల్పించడంలో ఆయన చొరవ అభినందనీయమన్నారు.
ఈ కార్యక్రమంలో పట్టణ కాంగ్రెస్ అధ్యక్షులు, కౌన్సిలర్లు, మహిళా కాంగ్రెస్, యూత్ కాంగ్రెస్ నాయకులు, కార్యకర్తలు పెద్ద సంఖ్యలో పాల్గొన్నారు. అనంతరం మిఠాయిలు పంచి, తమ ఆనందాన్ని పంచుకున్నారు.
