మంచేరియల్, 2026-06-29
మంచిర్యాల జిల్లా మందమర్రి మండలంలోని బొక్కలగుట్ట ప్రాంతంలో ఆదివారం రాత్రి గజ్జి వెంకటేష్ అనే వ్యక్తి దారుణ హత్యకు గురయ్యాడు. కుటుంబ కలహాలే ఈ హత్యకు కారణమని ప్రాథమికంగా తెలుస్తోంది. దీనిపై పోలీసులు కేసు నమోదు చేసుకుని దర్యాప్తు చేస్తున్నారు.
మంచిర్యాల జిల్లా మందమర్రి మండలంలోని రామకృష్ణాపూర్ పోలీస్ స్టేషన్ పరిధిలోని బొక్కలగుట్ట ప్రాంతంలో ఆదివారం రాత్రి గజ్జి వెంకటేష్ అనే వ్యక్తి దారుణ హత్యకు గురయ్యాడు. కుటుంబ కలహాలే ఈ హత్యకు కారణమని ప్రాథమికంగా తెలుస్తోంది.
స్థానికుల సమాచారం మేరకు, అదే గ్రామానికి చెందిన ఒడ్డేపల్లి రాజ్కుమార్ గజ్జి వెంకటేష్పై గడ్డకట్టిన సిమెంట్ బస్తాను వేయడంతో అతను తీవ్రంగా గాయపడ్డాడు. కుటుంబ సభ్యులు వెంకటేష్ను ఆసుపత్రికి తరలిస్తుండగా మార్గమధ్యలోనే మృతి చెందినట్లు తెలిసింది.
మృతుడు వెంకటేష్కు, నిందితుడు రాజ్కుమార్కు మధ్య గత ఐదేళ్లుగా కుటుంబ పరమైన విభేదాలు కొనసాగుతున్నాయని సమాచారం. ఈ పాత గొడవల నేపథ్యంలోనే హత్య జరిగినట్లు ప్రాథమికంగా తెలుస్తోంది.
ఘటనపై రామకృష్ణాపూర్ పోలీసులు కేసు నమోదు చేసి దర్యాప్తు చేపట్టారు. హత్యకు సంబంధించిన పూర్తి వివరాలు తెలియాల్సి ఉంది.
