పిల్లల ఆరోగ్యం మరియు సంక్షేమంపై తల్లిదండ్రులు అప్రమత్తంగా ఉండాలని, ప్రభుత్వం కల్పిస్తున్న అవకాశాలను సద్వినియోగం చేసుకోవాలని జిల్లా అదనపు కలెక్టర్ (రెవెన్యూ) వి. రాములు సూచించారు. టీనేజ్ ప్రెగ్నెన్సీ, ఎల్లోప్మెంట్ కేసులపై అవగాహన కల్పించేందుకు ప్రత్యేక కార్యక్రమాలు నిర్వహిస్తున్నట్లు తెలిపారు.
మంగళవారం నస్పూర్ లోని సమీకృత జిల్లా కార్యాలయాల భవనంలో జిల్లా బాలల పరిరక్షణ విభాగం ఆధ్వర్యంలో టీనేజ్ ప్రెగ్నెన్సీ, ఎల్లోప్మెంట్ కేసులపై అవగాహన కార్యక్రమం జరిగింది. ఈ కార్యక్రమంలో జిల్లా అదనపు కలెక్టర్ వి. రాములు, జిల్లా మహిళా, శిశు సంక్షేమ శాఖ అధికారి రౌఫ్ ఖాన్, జిల్లా షెడ్యూల్డ్ కులముల అభివృద్ధి శాఖ అధికారి చాతరాజుల దుర్గాప్రసాద్, జిల్లా వైద్య ఆరోగ్యశాఖ అధికారి డా. అనిత, జిల్లా బాలల పరిరక్షణ విభాగం అధికారులు పాల్గొన్నారు.
ప్రజా పాలన ప్రగతి ప్రణాళిక 99 రోజుల కార్యాచరణలో భాగంగా బాలల భద్రత, రక్షణ వారాన్ని మే 2వ తేదీ వరకు నిర్వహిస్తున్నట్లు అదనపు కలెక్టర్ తెలిపారు. కౌమార దశలో పిల్లలలో వచ్చే మార్పులపై తల్లిదండ్రులు శ్రద్ధ వహించాలని ఆయన సూచించారు.
టీనేజ్ ప్రెగ్నెన్సీ, ఎల్లోప్మెంట్ కేసుల వల్ల కలిగే దుష్పరిణామాలపై ప్రజలకు అవగాహన కల్పించడం ఈ కార్యక్రమం ముఖ్య ఉద్దేశ్యం. బాలల భవిష్యత్తుకు భరోసా కల్పించేందుకు ప్రభుత్వం అన్ని చర్యలు తీసుకుంటుందని ఆయన పేర్కొన్నారు.
ఈ కార్యక్రమంలో సంబంధిత అధికారులు, సిబ్బంది పాల్గొన్నారు. బాలల సంక్షేమంపై మరింత అవగాహన కల్పించేందుకు ఇలాంటి కార్యక్రమాలు భవిష్యత్తులోనూ కొనసాగుతాయని అధికారులు తెలిపారు.
