గోపాల్‌పూర్‌లో పోచమ్మతల్లి విగ్రహ ప్రతిష్ట మహోత్సవం

పంబల పూజారుల వేద మంత్రాల నడుమ, గ్రామస్తులు భక్తిశ్రద్ధలతో ఈ కార్యక్రమంలో పాల్గొన్నారు. ఆలయ ప్రాంగణంలో ప్రత్యేక పూజలు నిర్వహించారు. పంబల సంప్రదాయం ప్రకారం పూజారులు అమ్మవారికి విగ్రహ ప్రతిష్ట, ప్రాణప్రతిష్ట గావించారు.

మహిళలు బోనాలతో, యువకులు డప్పు వాయిద్యాలతో అమ్మవారికి స్వాగతం పలికారు. ఈ సందర్భంగా అమ్మవారికి ప్రత్యేక అలంకరణలు చేసి, పూజలు నిర్వహించారు.

అనంతరం భక్తులకు అన్నదాన కార్యక్రమం ఏర్పాటు చేశారు. గ్రామస్తులందరి సహకారంతో ఈ విగ్రహ ప్రతిష్ట కార్యక్రమం విజయవంతంగా పూర్తి చేసుకున్నామని గ్రామ పెద్దలు తెలిపారు. పోచమ్మతల్లి ఆశీస్సులతో గ్రామంలో పాడిపంటలు సమృద్ధిగా ఉండాలని, ప్రజలందరూ సుఖసంతోషాలతో వర్ధిల్లాలని వారు ఆకాంక్షించారు.