మంచేరియల్, గురువారం
దొంగతనాలను నివారించేందుకు సీసీ కెమెరాలు, భద్రతపై అవగాహన కల్పించే లక్ష్యంతో మంచిర్యాల జిల్లా కేంద్రంలో గురువారం పోలీసుల బృందం జువెలరీ షాపుల్లో ఆకస్మిక తనిఖీలు నిర్వహించింది. మంచిర్యాల డీసీపీ శ్రీ ఏ. భాస్కర్ నేతృత్వంలో ఏసీపీ శ్రీ ప్రకాష్, సీఐ శ్రీ ప్రమోద్ రావు, ఎస్ఐలు ఈ తనిఖీల్లో పాల్గొన్నారు. తగు జాగ్రత్తలు తీసుకోకపోతే దొంగతనాలు జరిగే అవకాశం ఉందని డీసీపీ హెచ్చరించారు.
దొంగతనాలను నివారించేందుకు సీసీ కెమెరాలు, భద్రతపై అవగాహన కల్పించే లక్ష్యంతో మంచిర్యాల జిల్లా కేంద్రంలో గురువారం పోలీసుల బృందం జువెలరీ షాపుల్లో ఆకస్మిక తనిఖీలు నిర్వహించింది. మంచిర్యాల డీసీపీ శ్రీ ఏ. భాస్కర్ నేతృత్వంలో ఏసీపీ శ్రీ ప్రకాష్, సీఐ శ్రీ ప్రమోద్ రావు, ఎస్ఐలు ఈ తనిఖీల్లో పాల్గొన్నారు.
ఈ సందర్భంగా డీసీపీ మాట్లాడుతూ, తనిఖీలను బరువుగా కాకుండా బాధ్యతగా తీసుకోవాలని షాపు యజమానులకు సూచించారు. తగు జాగ్రత్తలు తీసుకోకపోతే దొంగతనాలు జరిగే అవకాశం ఉందని హెచ్చరించారు. అంతరాష్ట్ర దొంగల చోరీలకు ఆస్కారం ఉన్నందున జాగ్రత్తలు తీసుకోవడమే శ్రీరామరక్ష అని పేర్కొన్నారు.
1. సీసీ కెమెరాలు తప్పనిసరిగా ఏర్పాటు చేసుకోవాలి. 2. రోడ్లపై కదలికల ఫుటేజ్ నిరంతరం రికార్డు అయ్యేలా చూసుకోవాలి. 3. చుట్టుపక్కల షాపులకు సమాచారం అందించి, లహరి భద్రత కల్పించాలి. 4. అనుమానాస్పద కదలికలు కనిపిస్తే వెంటనే 100కు సమాచారం ఇవ్వాలి.
బ్యాంకులు, లాడ్జిలు, రెసిడెన్సీలు, హోటళ్లు, జనసంద్రత ఎక్కువగా ఉండే ప్రాంతాల్లో సీసీ కెమెరాల వినియోగం ఎంతో ప్రాధాన్యత అని తెలిపారు. సీపీ గారి ఆదేశాల మేరకు ఈ తనిఖీలు చేపట్టినట్లు డీసీపీ తెలిపారు. ముగ్గురం చౌరస్తా, ఆర్పీ రోడ్లలోని షాపుల్లో ప్రత్యేకంగా తనిఖీలు నిర్వహించారు. పోలీసుల పెట్రోలింగ్, గస్తీలను మరింత పెంచినట్లు చెప్పారు. భద్రతను రక్షణగా చేసుకుని కర్తవ్యం సక్రమంగా నిర్వహించాలని కోరారు.
